#PLAASMOORD:  Seun Tydens Kleinhoewe-Aanval Geskiet – Muldersdrift-Omgewing

‘n Gesien van drie moes Saterdagaand in huis skuil nadat skurke hulle op ‘n kleinhoewe in die Muldersdrift-omgewing in Gauteng oorval het.

Sersant Tshepiso Mashele. Polisiewoordvoerder. het bevestig dat die gesin omstreeks 22:00 deur twee skurke op =m kleinhoewe in Lammermoor aangeval is.

“‘n 58-jarige vrou was saam met haar man en seun toe hulle honde buite die huis hoor blaf het,” het Mashele gese.  Hulle het na buite gegaan om ondersoek in te stel toe die vrou twee onbekende mans langs die sitkamer se deur opgemerk het.”

Die gesin het terug in die huis ingehardloop.  Die skurke het op hulle geskiet en die seun is in sy hand geskiet en gewond.  Hulle het vir veiligheidsredes in ‘n kamer gaan skuil.

“Oomblikke later het hulle besef die skurke het ‘n televisie en DVD-speler gesteel voor hulle op die vlug geslaan het.

Die seun is na ‘n hospitaal geneem vir behandeling.  Die Muldersdrift-Polisie ondersoek ‘n plaasaanvalsaak.

Generaal-Majoor Anna Mateise.  Polisiebevelvoerder van die Wes-Rand-Polisiegroepering, het ‘n streng waarskuwing aan misdadigers gerig “wat dink hulle kan die gemeenskap teister” en nie opgespoor word nie.

“Waar julle ook is, ons kom vir julle.  Toegewyde Polisiebeamptes is aangestel om hierdie saak te ondersoek. Eniog  Ons doen ‘n beroep op die gemeenskap om met inligting na vore te kom wat die Polisie in hul ondersoek kan bystaan en tot die inhegtenisneming van die skuldiges kan lei,” het Mateise gese.

Enigiemand met inligting kan die Muldersdrift-Polisie  by 011 952 4600 of Crime Stop by 08600 10111 skakel.  Alle inligting word vertroulik hanteer.

Deur:  Phillipp Bruwer/Maroela

 

Enjoyed this post? Share it!