#PLAASMOORD: Boer Op Wes-Kaap Plaas Doodgeskiet – Klapmuts

Joubert Conradie (47), ‘n pa van twee en ‘n boer van die Klapmuts-omgewing, tussen Stellenbosch en Paarl, is Dinsdagoggend na ‘n aanval op sy plaas dood.

Volgens inligting van die toneel het Conradie omstreeks 01:00 wakker geword van ‘n geraas in die huis.  Hy het sy vuurwapen gegryp en gaan ondersoek instel waarna hy deur ‘n onbekende aantal skurke geskiet is.

Conradie is na ‘n hospitaal gehaas waar hy tydens ‘n noodoperasie beswyk het.  Nagenoeg agt of tien skote is afgevuur en hy is verskeie kere geskiet.

Luitenant-Kolonel Andre Traut, provinsiale Polisiewoordvoerder van die Wes-Kaap, het bevestig dat die skurke met lee hande van die toneel gevlug het.

“Die omstandighede rakende die man se moord word ondersoek.  Niemand is nog in verband met die voorval in hegtenis geneem nie,” het hy gese.

Traut het ‘n beroep op die publiek gedoen om Crime Stop by 0860010111 te bel as hulle inligting het wat die Polisie met hul ondersoek kan bystaan.

Conradie laat sy vrou, Marlene, en twee kinders, Hannes en Jana, agter.

Deur:  Phillip Bruwer/Maroela

Enjoyed this post? Share it!