#HUISAANVAL: Man Tydens Huisroof Doodgeskiet  – Mokopane.Potgietersrus

Die Limpopo Polisie het ‘n soektog van stapel gestuur na ‘n groep skurke wat Saterdagoggend ‘n man in sy huis buite Makopane (Potgietersrus) tydens n huisroof doodgeskiet het.

Luitenant-Kolonel  Moatshe Ngoepe, Provinsiale Polisie-Woordvoerder, het gese die voorval het in ‘n residensiele gebied in die Elandskraal-Polisieringsgebied plaasgevind.

“Die 50-jarige slagoffer en sy vrou het geslaap toe ‘n onbekende hoeveelheid gewapende skurke omstreeks 03:00 toegang tot die huis verkry het deur een van die vensters aan die agterkant van die huis”. het Ngoepe gese.

“Hulle het ”n vuurwapen op die man gerig en hom in die kop geskiet.  Hy is op slag dood”.

Die skurke het die huis geplunder en met ‘n bedrag geld in die egpaar se Toyota Land Cruiser van die toneel gevlug.  Die voertuig is later verlate ‘n paar kilometer van die huis af gevind.

Die vroou het geen sigbare beserings opgedoen nie, maar is na ‘n hospitaal geneem om vir skok behandel te word.

“Die skurke is onbekend en niemand is nog teen Sondagoggend in hegtenis geneem nie,” het hy gese.

Die man is intussen as Collins Baker (43) geidentifiseer.  Sy vrou is 40 jaar oud en is nog in die hospitaal.

Die Polisie ondersoek ”n saak van moord en huisroof.

Deur:  Phillip Bruwer/Maroela

 

Enjoyed this post? Share it!